உலகக் கோப்பை கால்பந்து: ஸ்பெயின் அரையிறுதிக்குத் தகுதி

ஜோகனஸ்பர்க்: உலகக் கோப்பை கால்பந்து போட்டியில் கடைசி காலிறுதி ஆட்டத்தில் பராகுவே அணியை 1-0 என்ற கோல்கணக்கில் வீழ்த்தி ஸ்பெயின் அரையிறுதிக்குள் நுழைந்தது.

நேற்று ஜோகனஸ்பர்க்கில் நடைபெற்ற 4-வது காலிறுதிப் போட்டியில் ஐரோப்பிய கால்பந்து சாம்பியனான ஸ்பெயின் - பராகுவே அணிகள் மோதின.

முதல் பாதி ஆட்டத்தின் முடிவில் இரு அணிகளும் கோல் எதுவும் போடவில்லை. இரண்டாவது பாதி ஆட்டத்தில் ஸ்பெயின் ஒரு கோல் போட்டது. பராகுவே இறுதிவரை கோல் எதுவும் போடாததால், ஸ்பெயின் 1-0 என்ற கணக்கில் வென்று அரையிறுதிக்குத் தகுதி பெற்றது.

அரை இறுதியில் 3 முறை உலக கோப்பையை வென்றுள்ள ஜெர்மனி அணியை ஸ்பெயின் சந்திக்கவுள்ளது.

கடந்த 2008-ம் ஆண்டு, ஐரோப்பியக் கோப்பைக்கான இறுதிப் போட்டியில் ஜெர்மனியை வீழ்த்தி ஸ்பெயின் சாம்பியன் பட்டத்தை வென்றது குறிப்பிடத்தக்கது.